A  Vui sarvi, Rigina,

Matri di bon cunsigghiu

Purtastivu lu gigghiu

di rosi e ciuri

 

Lu gigghiu è lu Signuri

Chi ’n terra s’incarnau

e poi santificau

a San Giuvanni.

 

Partiu pi li campagni

a visitar lu tempiu

ni detti un granni esempiu

pi ogni via.

 

E dudici anni avia

e persiuru a lu Signuri

e ‘nmezzu a li duttura

lu ritruvaru.

 

Di spini lu ‘ncrunaru

di spini assai pungenti

e iddu allegramenti

purtau la cruci.

 

Ghittau ‘na granni vuci

vidennu a la so matri

Chiamau l’Eternu Patri

E po spirau.

 

‘Ncelu si nn’acchianau

e’  ncelu quann’arriva

Evviva la matri viva

di bon cunsigghiu.